Ky sulm përfshin hakerët që modifikojnë të dhënat DNS për faqet e internetit te njohura dhe te ligjshme, si faqet e bankave, faqet e blerjeve online,

në mënyrë që përdoruesit kur përpiqet të aksesojnë faqen e vërtetë, dërgohet në versione të rreme (dhe shpesh me qëllim të keq) të atyre faqeve. Në këtë mënyrë, kur perdoruesi shkruan emrin e përdoruesit dhe fjalëkalimin ose informacionin e kartës së kreditit në një faqe interneti të rreme që duket tamam si origjinali, hakerët fitojnë akses në të dhënat e tyre.

Kur një kriminel kibernetik maskohet si një individ, biznes ose ent tjetër për të kryer veprime keqdashëse. Qëllimi i një mashtruesi kibernetik është të vjedhë nga viktimat dhe të dëmtojë reputacionin e tyre.

Kriminelët kibernetikë përdorin teknika të zakonshme të inxhinierisë sociale si, përdorimi i adresave të rreme emaili, faqe interneti ose numra telefoni të rreme, për të mashtruar viktimat për marrjen e informacionin konfidencial, shkarkimin e bashkëngjitjeve ose klikimin në linket që instalojnë malware. Mashtruesit i shpërqëndrojne viktimat duke përdorur entitete me të cilat shumica e njerëzve janë të njohur, si markat e njohura, institucionet financiare, zyrat qeveritare, etj.

Ransomware është një lloj malware dhe krimi kibernetik, e cila bllokon aksesimin e të dhënave në rrjetet kompjuterike, pajisjet celulare dhe servera derisa viktima të paguajë një shpërblim.

Objektivët e zakonshëm të ransomware janë individët, kompanitë, organizatat të tilla si: spitale, qeveri dhe institucione arsimore. Dy llojet kryesore të ransomware janë crypto ransomware dhe ransomware me kyc (locker ransomware). Një nga metodat më të zakonshme të sulmit të ransomware është përdorimi i një mashtrimi me anë të phishing. Një email i formuluar me kujdes e nxit marrësin të shkarkojë një skedar. Ky veprim instalon ransomware i cili zotëron kompjuterin dhe më pas depërton në të gjithë rrjetin kompjuterik, duke i kycur të gjithë kompjuterat, rrjetin dhe sisteme të tjera të lidhura.